14 ikasenpresa Eibarrera joan ziren urtero herri honetan ospatzen den enpresa azokan parte hartzeko.

Ikasleek goiz oso betea izan zuten, erkidegoko beste Lanbide Heziketa zentro batzuetako ikasleekin batera. Ceinproren kasuan, ikasenpresak Diseinu eta 3D Animazio eta bideojokoen Goi Mailako bi zikloetakoak dira. Ikasenpresen artean ESFERA nabarmendu zen, 2024ko Donostia Innovation Challenge edizio honetako irabazlea.

Harekin batera, ekitaldi horretan kategoria desberdinetan izendatuak izan ziren beste enpresa batzuk ere joan ziren Eibarrera beren negozio-ideiak erakustera: Athlemotion, Chaos Natural, Selfcare, besteak beste. Gizarte, ingurumen, pedagogia, sentsibilizazio eta larrialdi zein hondamendi naturalen prebentzio kontzientziadun enpresak izan ziren aurkeztutako negozio-ideietako batzuk.

Goiz luzea izan zen, baina oso interesgarria, beste ikasleen enpresekin eta beste LH zentroekin ezagutza partekatzeko helburuarekin. Ikasenpresa programa hezkuntza-proiektu bat da, ikasleei beren enpresa sortzea sustatzeko eta autonomia nahiz talde-lana bezalako balioak garatzeko asmoa duena.

Bideo hau ikusiz, ekimen honek zertan datzan ezagutu dezakezu: ikusi hemen.