Eibarrek "Ikasenpresa" azoka tradizionala hartu du otsailaren 1ean, Araba, Bizkaia eta Gipuzkoako Lanbide Heziketako 2.000 ikasle ingururekin. Unzaga eta Txaltxa Zelaiko karpetan erakutsi eta saldu dituzte euren produktuak 10:00etatik 13:00etara, Eibarko Udalaren laguntzari esker.

Enpresa txiki bat sortzea eta abian jartzea da Ikasenpresak Euskadiko Lanbide Heziketako erdi-mailako eta goi-mailako ikasleei planteatzen dien erronka. Euskadiko LHko eredu metodologikoaren barruan lan egin da, eta irakasle-taldearen lankidetza-lana funtsezkoa izan da. Nahiz eta Ikasenpresa enpresa-simulazioa bada ere, eskaini den produktua edo zerbitzua benetakoa denez, irakasleen lankidetza-lan horri esker negozio-ideiak lanbide-arloarekin lotuta daude, berritzaileak dira eta zikloko irakasle-talde osoa inplikatuta dago. Negozio-ideiak aztertzen ari diren lanbide-arloekin lotuta egon dira, eta pertsonen edo haien ingurunearen bizi-kalitatea hobetzera eta iraunkortasuna kontuan hartzera bideratuta egon behar izan dute.

Zorionak guztioi zuen lanagatik!

2024ko azokari buruzko datuak:

• Ikastetxeak: LHko 55 ikastetxe.
• Parte-hartzaileak: 400 Ikasenpresa.
• Ikasleak: 2.000 ikasle.
• Azokan parte hartzen duten irakasleak: 106 irakasle.